1大义100闽南语朗读教材.docx
- 文档编号:15262905
- 上传时间:2023-07-03
- 格式:DOCX
- 页数:8
- 大小:21.89KB
1大义100闽南语朗读教材.docx
《1大义100闽南语朗读教材.docx》由会员分享,可在线阅读,更多相关《1大义100闽南语朗读教材.docx(8页珍藏版)》请在冰点文库上搜索。
1大义100闽南语朗读教材
1大义100闽南语朗读教材
大義國中100學年度語文競賽【閩南語朗讀】核定題目一年級組1-1故鄉的沓沓滴滴(ta̍p-ta̍p-tih-tih)1-2點心二年級組2-1阿公的竹椅仔2-2SPA三年級組3-1牛墟(hi)3-2幸福的滋味***文章從第2頁起依順序排列******文章從第2頁起依順序排列***一年級組(2篇文章)一年級組(2篇文章)1-1故鄉的沓沓滴滴(ta̍p-ta̍p-tih-tih)A-lm阿爸講伊十三、四歲的時陣,著愛踮厝--裡鬥做工課,逐工攏有穡頭通做,一日到暗無閒?
?
(tshih-tshih),若準做袂煞仝款;上捷做的代誌是去園裡種菜佮賣菜。
熱--人種匏仔、菜瓜、刺瓜仔、苦瓜;寒--人種菜頭、芥(ku)菜、芹菜、蒜仔;擔肥、沃水、掘菜股是逐工愛做的工課,啊若菜大到會使挽,著愛擔出去九份仔、金瓜石賣,才是一項大工事。
攢(tshun)欲去的進前一工,著愛先去厝邊頭尾招賣菜伴,看講有人拄好欲同齊--無。
若有超過三个人,就約隔工透早見面,做陣欲去賣菜的時間佮地點。
這工的欲晝仔,著愛先薅(khau)菜,縛予一把一把,攢照路的磺(hng)火,逐項攏變(pnn)好勢了後,就早早(peh)去眠床頂睏。
差不多是半暝兩點半起床,凊彩食一點仔物件止飢,大概三點的時陣擔菜到相等(sio-tn)的所在,等所有的賣菜伴總到才做一伙起程。
對番仔坑過牡丹坑是平路,猶誠好行,燦光寮坑盤過菜刀崙(lūn),是嶺的山路上忝(thim)。
過崙頂行到金瓜石是落嶺,就較快活--矣。
若莫歹天、落雨,經過四點鐘久,大概是七點就會到位。
較大漢做?
(tshuā)頭的人,會去菜市仔佔著較好位。
菜一睏仔久就賣煞,毋過伊會來共較細漢、較慢行到位的囡仔鬥賣。
等到逐个總賣完,差不多是八點的時陣,著愛隨收擔起程,趕路轉來到番仔坑,已經是過晝--矣。
一擔菜三、四十斤,盤山過嶺擔甲欲歪腰,忝甲強欲死--去。
一逝(tsuā)往回行八點鐘的所得,總交阿公的錢是兩、三角爾爾。
彼陣一斤豬肉是兩角,上濟是買斤半,按呢咱就知影日本時代一般人無地(t)趁錢,生活有偌仔艱難,確實毋是這久的人有法度想著的代誌。
故鄉的另外一項工事就是抾竹箬(ha?
h)。
咱攏知影,清明的前後,是桂竹仔的新筍躘(lng/ling)出塗面的時陣。
拄才離塗兩、三工內,若挽來炒三層仔肉,是逐个攏呵咾有著的好料理。
毋過,筍仔袂使逐枝挽,加減愛留一寡仔新欉來湠(thunn),若無,會斷種。
竹筍的新穎(nn)離塗差不多是十五工,就有兩身(sian)人遐懸--矣。
沿路躘、新箬(ha?
h)沿路黜(lut)。
春天的桂竹仔林跤,有食閣有掠,毋是筍就是箬,總提去賣,兩項攏有錢通趁。
1-2點心Flyfish因為阿公誠愛食點心,特別是甜--的,從細漢我就有食點心的慣勢,親像『khu-l-muh』(cream),也就是人講的「紅豆餅」、「車輪餅」。
逐擺阿公欲出門進前,攏會問阮遮的囡仔欲食『khu-l-muh』--的,抑是包紅豆--的?
『銅鑼燒』是阿公上愛--的,袂輸予日本的「Doraemon」--咧。
佇我閣足細漢的時,逐工攏會有一个阿伯捒(sak)一臺車來賣豆花,那賣閣那大聲喝:
「豆花!
豆花!
」伊的聲實在是中氣十足,若佇透早來,我攏會予伊的聲叫醒。
有一斗(tu),毋知是伊真正傷早來,抑是我真正傷愛睏,我聽著伊的喝聲,煞對二樓衝--落來,嘛仝款大聲共伊喝講:
「你敢會使較細聲--咧?
我閣咧睏--呢!
」這件代誌一直到這馬,閣定定予厝--裡的人講來笑我「刺耙耙」,毋過現此時想--起來,伊做的豆花確實好食。
我讀國校仔的時,逐工透早阿媽攏會騎『oo-to-bi』載我去學校上課,逐擺經過菜市仔,阿媽就會停落來買寡物件予我做早頓,像一罐『金蘋果』抑是『金椰子』,閣加一包六塊賣十箍的雞卵糕。
去到學校,我就佮同學那食那?
迌。
彼雞卵糕有真濟無仝款的造型,親像手銃、龜、象,猶閣有卵,敢若真正的雞卵遐大。
逐斗若食著動物--的,攏會想講欲按佗位開始食較好,是龜的跤,抑是象長長的鼻,阮閣會相招提手銃ping來ping去,實在真心適。
等到我讀國中的時,逐工放學了後,就隨愛趕去補習,身軀洗了閣攏袂赴通食暗頓。
阿媽驚我腹肚會枵,攏會去廟口的冰店買一甌(au)木瓜牛奶,有時仔佮「烘sio̍k-phng」,有時仔是「蔥仔餅」,予我紮去教室做點心。
仝款是金黃的色水,外表淡薄仔臭火焦臭火焦,食--起來是酥軟仔酥軟又閣芳貢貢,想著閣真懷念。
點心有真濟款,嘛差不多全世界的人攏有食點心的慣勢。
若有看『bng-kah』「Doraemon」--的就知,逐工『大雄』媽媽攏愛準備點心予食,這是日本。
英國閣毋免講,逐日下晡攏固定愛啉『下午茶』,彼已經是自古以來的生活慣勢,毋但(m̄-nā)啉茶爾,閣愛食「茶點」,『約克夏布丁』(Yorkshirepudding)就是英國誠出名的下晡茶點心。
逐个人應該攏有陪伴家己佮記錄一段時間的一款點心,親像『乖乖』佮『蝦味先』應該是阮這代共同童年的記持(t),啊你的是啥物--咧?
二年級組(2篇文章)2-1阿公的竹椅仔蘇毓涵(io̍k-hm)頂個月,阮轉去舊厝看阿媽,無意中煞來發現一條(liu)退色、頂懸全坱埃(ing-ia)佮必巡(pit-sn),又閣斷一枝跤的竹椅仔,若像一个虛荏(lm)的老歲仔,恬恬倚佇壁邊。
啊!
彼是阿公猶閣佇--咧的時,上佮意的竹椅仔!
會記得我細漢的時陣,看阿公三不五時會坐佇竹椅仔歇睏。
伊就親像隱居佇山林內的雅士(ng-sū),遐爾仔清閒。
阿公定定穿紗仔衫,目睭微微(bui-bui)、文文仔笑,坐佇竹椅仔,手那擛(ia̍t)檳榔扇、那聽收音機,邊--仔的嚷鬧攏袂共伊攪吵--著,敢若是道行真深的高人,遐爾清閒佮得定(tik-tiānn)。
每一擺我若去吵--伊的時,伊攏嘛笑咪咪,毋捌受氣,閣會提幾个十箍的銀角仔予--我,講是欲予我買冬瓜茶佮小妹做伙享受。
我聽著真歡喜,隨提銀角仔,那跳那走去共小妹講這个好消息。
姊妹仔三人就真樂暢,傱(tsng)去?
(km)仔店,阮ka̍h-ka̍h叫的笑聲強欲共厝瓦反(png)--過去,厝內的大人袂堪得吵,連鞭共阮阻擋。
毋過阿公伊無受阮影響,又閣坐轉去伊的竹椅仔,享受伊予人拍斷的清閒。
有當時仔阿公會共我抱起去坐佇伊的跤頂懸,共我講起較早的故事;有的我聽著真心適,感覺足趣味,想欲知影閣較濟的故事;阿公嘛袂感覺煩,沓(ta̍uh)沓仔共我講古;有的故事我猶細漢,毋知伊的意思,攏聽無,感覺無啥趣味,無張持煞睏--去,就算是按呢,阿公嘛袂受氣。
閣有一擺,我無細膩跋倒,坐佇塗跤哭,哭甲流鼻流滴,哭甲規个面攏花巴哩貓(hue-pa-li-niau),嘛無愛起--來,蝹(un)佇塗跤一直躽(nu),別人攏無我法。
這个時陣,阿公就慢慢仔對椅仔(peh)--起來,老神在在,寬寬仔、一步一步向我行--來,伸出伊彼雙予人感覺安心的手,共我抱起來竹椅仔面頂,輕輕仔共我搭尻脊骿,一直到我無閣哭才停,閣提糖仔安搭我的心情。
佇我的記持中,阿公一直是遐爾溫柔又閣閒仙仙,坐佇竹椅仔面頂。
有一工,我煞無看著平常時攏會坐佇竹椅仔面頂的阿公。
我厝內厝外走傱,誠生狂咧四界揣阿公。
厝--裡的大人看我咧(teh)欲哭--出來的款,就趕緊共我講阿公破病,需要蹛病院,真緊就會轉--來。
毋過,對彼个時陣開始,我就毋捌閣看著阿公轉--來矣,彼个疼孫的阿公已經離開--我,只賰囥佇相片頭前的菊花,猶閣有彼條無人坐的竹椅仔。
2-2SPA藍淑貞(tsing)現代人的生活真緊張,壓力真大,所以真濟人有閒的時,愛開真濟錢去做SPA,來調養家己,予家己輕鬆--一下。
其實,佇我囡仔時代,早就不時咧做免費的SPA--矣,彼(he)就是去『phng-phuh仔』沖(tshing)水。
草地囡仔,喙--裡唸阿母教的囡仔歌,藍天做蓋,綠地做毯(thn),白雲做伴,風聲、雨聲、蟲聲、樹葉仔聲,攏是足好聽的音樂,毋免開錢,毋免揀時陣,不管好額散,逐家做伙?
迌,只要有人提議,隨時都有真好耍(sńg)的?
迌方法,規片的大自然攏是阮?
迌的好所在。
彼當時社會風氣真好,囡仔溜溜去,只要食飯時間到,囡仔自然就會轉來食飯,爸母毋免煩惱囡仔會出代誌。
佇真濟?
迌的方法中,上蓋好耍--的,記持上深--的,會使講是去『phng-phuh仔』沖水。
草地一四界攏是水田,遮的田地,需要真濟水,所以佇水田邊,攏有人裝『phng-phuh仔』抽地下水來淹田。
『phng-phuh仔』抽--起來的水真大港,袂使直接灌入去田--裡,會共田沖歹,所以作穡人會用磚仔做低牆仔,共抽--出來的水閘(tsa̍h)--起來,就親像一个大水池,這个大水池設一个水門,欲淹水的時共門拍開一縫(phāng),予水流入去田邊的溝仔,才閣勻勻仔流入田--裡,普通時水門就關--起來。
若有人咧抽水淹田的時,就有人相招去『phng-phuh仔』沖水。
四、五个囡仔伴,毋驚日曝,也毋免換游泳衫,佇燒hut-hut的熱--人,跳入去清清清的水池仔,水深袂超過胸坎,也毋免驚予水沖走,若是徛(khiā)蹛『phng-phuh仔』水的出口,抽--出來的水,直接沖佇尻脊骿抑是胸坎,真正是清涼閣刺激,有時予水沖甲徛攏袂牢(tiu),逐家互相扶持,彼種感覺,比這馬的SPA好濟--咧!
臺灣原本有真濟好山好水,媠閣清幽,免開錢閣好耍的所在,現代的人,袂曉寶惜大自然賞賜予咱的資源,樹仔剉(tsh)了了,溪仔變烏水溝,厝蹛山坡地,啉(lim)消毒水,配農藥菜,共家己逼甲無地通徛起,做罪--喔!
三年級組(2篇文章)3-1牛墟(hi)紀傳洲古早,牛是臺灣人上重要的作穡(tsoh-sit)伴,牛會犁田、拖車、駛石碾、挨塗礱(e-tho-lng)便若較粗重的工課攏愛伊鬥做。
伊攏是恬恬仔骨力(kut-la̍t)去做,予人真感心。
這種性嘛真成(sng)咱臺灣人,毋才講咱是「臺灣牛」。
買牛愛去佗位牽--呢?
牛隻買賣的所在號做「牛墟」。
佇三、四十冬前差不多各地頭攏有,較出名--的,有彰化寶斗(北斗)、雲林北港、臺南善化佮鹽水、高雄岡山。
這幾庄是嘉南平原交通較利便的大庄頭,牛的買賣有較濟。
進入工商社會了後,機械(hi)代替耕牛,牛煞(suah)愈來愈少,牛墟生理愈來愈?
,就一跡一跡關關--起來,這馬看會著--的,差不多賰(tshun)北港牛墟爾爾(niā-niā)。
北港出名媽祖婆,每年香客上千萬,人來客去濟甲若魩仔魚,鬧熱時是人?
(kheh)人,按呢毋才北港街仔的特產行滿滿是。
有名--的是麻油、塗豆油、新港飴()。
北港牛墟也才無予人get-out捙畚斗(tshia-pn-tu)--去。
牛墟是佇北港大橋跤,逐(ta̍k)個月的三、六、九開市,三工開一擺,一個月有九市。
開市彼工,各地的牛販仔共牛載來遮,到七、八點,人愈積愈濟,買牛--的、賣牛--的、看鬧熱--的、做生理--的,和牛m-m叫的聲,規牛墟沖沖滾。
想欲牽一隻粗勇有牽挽(bn)的牛,無遐爾簡單。
買--的愛相予真,聊聊仔看、勻勻仔揀。
代先,共手伸入去牛喙內,喙齒愈濟牛愈老。
閣來看生張,?
牛厚毛,瘦牛厚骿(phiann)骨,皮光滑、肉結實,跤腿粗、牛蹄圓閣厚。
看牛的行踏,慢牛厚屎尿,若有抽才有行,這種牛做工課袂(bē)合軀。
上尾是考車,這是對牛上大的考驗。
拄起頭,叫逐个起去牛車坐,規車疊甲滇洘洘(tīnn-kh-kh),閣共牛杙仔(kh?
?
t-)插佇咧車輪(lin)縫,予車輪袂輾轉,這陣牛販仔籐條攑(gia?
h)懸懸,大力捽(sut)牛,無論坐車頂抑是圍邊--仔看--的,攏配合牛販仔的籐條頭,合齊喝(huah)聲,共牛鬥催,喊(him)伊出力拖。
這會當試出牛的力頭佮耐性。
也有現場犁田、較(k)車。
買賣雙方若有佮意,就現交錢,會使現共牛牽轉--去。
3-2幸福的滋味!
劉美玉人咧講:
「無冬節都咧挲圓--矣!
何況(hng)是冬節--咧!
」阮爸母一向攏足?
變(pnn)東變西,不管時攏會想一寡步數趁食。
的絕招實在有夠濟,無論縛粽、挲圓仔、炊粿、做草仔粿抑是種菜等等逐項會!
三不五時仔做予囝孫仔食、有當時仔送親情朋友、有時陣寄人賣、有時仔嘛會囥佇家己的門口賣。
庄仔內知影的人,逐家攏真捀場(phng-tinn),相招來交關,袂輸若毋較緊--咧,會予人搶頭香--去,定定看笑甲喙仔裂獅獅,兩个老翁仔某不時嘛做甲真樂暢(lo̍k-thing)!
所以,自細漢看到大漢,過年過節攏真無閒。
啊毋過慢慢仔年歲愈來愈濟,囝孫仔嘛大漢--矣!
逐家攏講:
「天氣燒熱,食無遐濟,買幾粒仔拜拜就好!
閣再講阿爸身體欠安、逐家閣攏愛上班,無跤手通鬥相共,食著真歹勢--呢。
」後--來,五日節一到,阿母仝款趁阮逐家無閒去上班的時,偷偷仔攢(tshun)物件,照常縛一捾(kuānn)閣一捾的肉粽,吩咐阮兄弟姊妹緊捾轉去予逐家食。
阮那食肉粽,心肝頭那感覺燒烙燒烙,彼種幸福的滋味,就親像電視廣告的話仝款,「足感心--的!
」阿母!
你哪會攏袂忝(thim)!
其實阮知影--啦!
因為你真心疼痛(thinn-thng)阮每一个囝孫,阮嘛仝款毋甘你傷忝--啦!
想起往年,阿爸的身體猶閣勇健的時陣,無論冬節抑是過年到--矣,伊佮阮阿母攏佇灶跤出出入入、無閒?
?
(tshih-tshih),一个抔(put)米去浸、一个就攢石磨仔通挨粿;無論是籠床(lng-sn̂g)、抑是?
(km)壺仔,攏鑢(l)甲金爍爍(sih);粿巾洗甲清氣tam-tam,觳仔(khok-)大大細細攢甲真齊全。
粿袋仔一擺攏攢幾若跤,驚毋拄好若破空,彼就食力--囉!
粿漿挨好了後,阿爸就共規袋粿袋仔?
mooh)起去椅條頂,用一枝扁擔硩佇面頂,閣用索仔縛幾若輾(lin),三不五時就去反爿(png-png),伊講愛硩予焦,才會做--得!
焦水了後,倒佇咧?
壺仔內,先用雙手挲予散,阿母隨攢一塊粿粞(tsh)落去煠(sa?
h),才起來摻落去撋(nu)予齊勻(tsiu-n),厝內大細逐家圍佇咧?
壺仔邊挲圓仔,那講那笑,彼種幸福的滋味,猶不時出現佇我的腦海中。
- 配套讲稿:
如PPT文件的首页显示word图标,表示该PPT已包含配套word讲稿。双击word图标可打开word文档。
- 特殊限制:
部分文档作品中含有的国旗、国徽等图片,仅作为作品整体效果示例展示,禁止商用。设计者仅对作品中独创性部分享有著作权。
- 关 键 词:
- 大义 100 闽南语 朗读 教材